వ్యక్తిత్వవికాసం

          (pic source:enaadu.net) ప నిమీద రోడ్డుపై వెళుతూ ఉంటాం. ఒకతను రిక్షాను ఎత్తుకు లాగలేక అవస్థ పడుతూ ఉంటాడు. అది చూసిన మనం రిక్షా వెనక ఓ చెయ్యి వేసి తోసి సహాయం చేయడానికి వెనకాడతాం. ఎవరైనా  చూస్తారన్న నామోషీ. చూస్తే అవతలి వాళ్లకు తమ పట్ల చులకన భావన కలుగుతుందన్న జంకు. కష్టాల్లో ఉన్నవారికి సహాయం చేయడం తప్పేమీ కాదు. నెయ్యానికైనా, వియ్యానికైనా సమ ఉజ్జీలు ఉండాలంటారుగాని- సహాయం చేయడానికి, పొందడానికి కాదు. పనిమనిషి తన ఇంట్లో ఏదో పని ఉండటం వల్లో, తనకో తనవాళ్లకో ఒంట్లో బాగుండక ఒక్క రోజు రాకపోతే మరుసటి రోజు ఆమెపై మనం వ్యక్తం చేసే అసహనం అంతా ఇంతా కాదు. ఆమె అందరిలాంటిదే. కాలం కలిసిరాక గుట్టుగా నాలుగు ఇళ్లలో పనిచేస్తూ గౌరవంగా పొట్టపోసుకుంటోంది. గత్యంతరం లేక- ఇంటివారి పెడసరపు మాటలు భరిస్తుంది. బాధను దిగమింగుకుంటుంది. జానెడు పొట్ట నింపుకోవడానికి పిడికెడు ముద్ద కావాలి కదా! ఆమె మరమనిషి కాదు. మిగతావారిలాగే ఆమెకూ బరువు బాధ్యతలు ఉంటాయి. ముఖ్యంగా మనసు ఉంటుంది. ప్రేమతో పరమాణ్నం పెట్టడమే కాదు కోపంలో సహనం చూపించగలిగితేనే ఆమె మనింటి సభ్యురాలవుతుంది అన్నది మరవక...

జంతూనాం నరజన్మ దుర్లభం అని ఆదిశంకరులు వక్కాణించినట్లుగా మానవజన్మ మహోత్కృష్టమైనది! 81 లక్షల జీవరాశిలో మానవజన్మే ఉన్నతమైనది అనుకుంటే, ఆ జన్మను సార్ధకం చేసుకోవాల్సిన అవసరం ఎంతగానో ఉంది. అలా ఆలోచించేది ఎందరు భగవంతుడిచ్చిన ఈ జన్మను సార్ధకం చేసుకునేది ఎంతమంది ఈ జీవితాన్ని సరైన రీతిలో నడిపి కుటుంబానికి, సమాజానికి ఉపయోగపడేది ఎంతమంది అసలు జీవితాన్ని, జీవనాన్ని సుసంపన్నం చేసుకోవాలంటే ఏం చేయాలి. ఎవరిని అనుసరించాలి. ఎవరి బోధలు వినాలి ఇలాంటి ప్రశ్నలన్నింటికీ సమాధానం వెతికినప్పుడు లక్ష్యాన్ని సాధించాలనుకున్నప్పుడు. అందరూ అంగీకరించే సూత్రం- వ్యక్తిత్వ వికాసం ప్రతి జీవికీ మూడు దశలు తప్పనిసరి- పుట్టడం, పెరగడం, పోవడం అనివార్యమైన ఈ జీవన చక్రంలో ఒక వ్యక్తి ప్రతి దశలోనూ పరిణతి చెంది జీవనాన్ని కొనసాగించడమే వికాసంగా భావించాలి. నియమబద్ధమైన జీవనాన్ని సాగిస్తూ, భగవద్గీతలో చెప్పినట్లుగా తనను తాను ఉద్దరించుకుంటూ, సమాజానికి ఉపయోగపడేవాడే ధన్యజీవి సంగీత సాహిత్యాలతో అటు దైవాన్ని ఇటు సమాజాన్ని అలరించిన వాగ్గేయకారులు సమాజానికి సగటు వ్యక్తకి ఉపయోగపడే అంశాలను ఎంతో ఆందంగా తీర్చిదిద్ది సంకీర్తనలుగా అందించారు. త...

ఏదైనా వస్తువునో స్థలాన్ని చూడాలనుకోవడం, ఏదైనా విషయం గురించి చదవాలనో వినాలనో అనుకోవడం, అందుకు తాపత్రయ పడటం, ఆసక్తి చూపడం కుతూహలమనిపించుకుంటుంది. ప్రతి మనిషికీ ఈ కుతూహలం ఉంటుంది అదొక ఆశగానో, కోరికగానో పరివర్తన చెంది, సాధించేందుకు ప్రేరేపిస్తుంది. మంచి కోసమైతే ఏ కుతూహలాన్ని ఎంతైనా పెంచుకోవచ్చు. అదే. చెడుమార్గాన నడిపితే ఆ కుతూహలం అత్యంత ప్రమాదకరమైంది. అంతా తనకు తెలుసుననే ఆహుకారం మనసులో అంకురించిందంటే, మనిషి పతానావస్థకు పునాది పడినట్లే వేదాలు, ఉపనిషత్తులు, పురాణాది పవిత్ర గ్రంథాల్లో అపారమైన జ్ఞానం నిక్షిప్తమై ఉంది మానవ మనోవికాసానికి తమను స్వీకరించమని, జీవితం సార్ధకం చేసుకొమ్మని ఆ జ్ఞానభాండాగారం పిలుస్తోంది, కాని, మనిషిని ఈ తిళ్లు, ఒత్తిళ్లు అటువైపు పోనీయడం లేదు పసిబాలుడి కుతూహలం చూడండి. నేలపై ప్ారాజేవాడు నిలబడటానికి, నిలబడ్డవాడు నడవడానికి నడిచేవాడు పరుగెత్తడానికి కుతూహలపడతాడు. అంతవరకూ వాడిలో దైవత్వమే ఉందనుకోవాలి. వయసు పెరిగిన కొద్దీ ప్రలోభాల వైపు భోగాలవైపు కుతూహలం పెరిగి, ఇంక మొదలవుతుంది అమానుషత్వం కుతూహలం మంచి విషయాలవైపు పోనిచ్చుకునేవాడు అభ్యున్నతి పొందుతాడు. మూలాలు తెలుసుకొని మానవీయ మెచుక...